Total Loss

一段關係應該要結束的時候，
就要痛痛快快的了結。

就像我每天為信用咭終端機機來個清機結算，
早早向銀行收錢，
賺他媽的那怕是幾分錢的利息，
也不想夜長夢多。

早一天了斷，
我便賺多一天安心。

記得第一次拍拖，
識了個仆街，
原來一腳踏幾船的 。
當我知道後立即把對他的不理智的迷戀瘋戀感覺來個清機結算，
立即將那段關係列入Total Loss。
即係醫番都嘥藥費。

我不會妄想他的改變，
更不會企圖去改變此人。


我甚至請家人幫忙，
以後此人致電家中一概回覆:已搬遷。
亦吩咐好傳呼台對此人的傳呼一概不用留訊息 。
雖然很傷心(可能更不甘心)，
也花了一晚的時間把所有關於此人的東西抹掉。

只有痛快的感覺！

我的做法比較極端，但至少我會開心一些。

友人林小臭近日亦將一段關係了結，
列入Total Loss 的個案。

其實我一向不太愛干預別人的感情事，
只是有一天晚上我就是看他不過眼，
有些不吐不快的感覺，
便做了一些小動作來打開這個話題。

對於一段糾纏不清了一年的不知所謂的關係才來個Total Loss的結論 ，
我是替他壓根兒的不值。
不過，佢要去食屎唔通你唔俾佢去咩。 >.<
但當見到情況好似癌細胞復發醫好又復發，
我見到都悶呀。

所以做一次白姐姐教人好心分手。

如果衰響個玩家手上，
心報口服，
只能怨自己衰咸濕，
活該。

但事實並非如此，
冇享受過，冇虛榮過就死得不明不白。
我接受唔到囉。
(這是我的歪理)

其實即使妄想落重藥去吊命，
最終結局可能都係一樣。

不如面對現實，
上保險公司填張表，
申請Total Loss 好過。


延伸閱讀: Total Loss

當下

人類，為了賺錢，他犧牲了健康。
為了修復身體，他犧牲錢財。
然後，因為擔心未來，他無法享受現在。
就這樣，他無法活在當下。
活著時，他忘了生命是短暫的。
死時，他才發現他未曾好好地活著。

達賴喇嘛

飯腳

食飯，
是一日之中的一個重要環節。
食得安樂食得好，

吸收自然好， 人就會健康。

所以跟你吃飯的人至為重要。

如果跟你不熟悉或不太喜歡的人一起吃飯，
我寧可自己一個吃算了。

上星期日，
難得的例假，
我就與B 到酒店享受了一個下午茶。
二人分享了難得的時間。

又另外有一些禮尚往來的飯局，
有時候你不能不出席，
但盡可能我還是會選擇出席我喜歡的。

Sa Sa  小姐是個賢良淑德的好老婆，
她對朋友真的很好，
人又善良。
她老公真的幸福透了。

我們間中會互邀出席飯局，
有時你作客，
有時我請客，
大家說說笑笑又一個晚上了。















吃飯當然要輕輕鬆鬆，
大家的口味接近，
不挑吃的飯腳就是最好。
大家隨便點幾個小菜，
嘰哩呱啦的吃吃喝喝，
什麼都聊，
什麼都吃。
那是一個至好不過的飯聚了。

還有一種飯腳，
令你欲仙欲死。
我要說的是我們的話題，
簡直就像色慾都市一樣。
(有點誇張)
一大班人什麼都講，
有時話題過份得教壞隔離檯的小朋友。
樂翻天，
我最愛與他們吃喝玩樂。

要數到最不能選擇的飯腳，
當然是家人了。
自出娘胎，
家人便成為了一輩子的飯腳。
人大了，
更珍惜每次飯聚的時間。
自小甥出世之後，
我與整家人一起吃飯的日子多了很多，
小甥的凝聚力很強勁呀。

我真的很珍惜與你們的每一次飯聚時間。

要不要做?

場景: 某夜店
人物: 本人，E，路人甲乙丙丁戊己庚辛壬癸
時間: 凌晨

E: 坐過來啦，飲左哩杯去。
我: 嘩，哩杯咩來架? 飲醉我就大件事。
E: 醉左我送你返我屋企囉，好近咋。
路人甲: 拿~~哩杯好野來架。
我: (挑，咪即係 Vodka 溝橙汁，根本檯上只有這些)
      哈哈，好啦。
E: 要乾。
我: (乾你老味，第一次見咋。) 飲少少啦。
路人乙丙: 飲晒佢啦。
我: (屌，飲一杯即走) 好啦好啦。
     骨碌骨碌一飲而盡。

E 一手攬住我問哩樣問個樣，
閒談間講到工作。
一般我都唔會響夜場同啱啱識既人講工作，
但唔知點解個晚就爆左出來自己做咩。

E: 依~~咁你有同咩咩機構有生意架?
我: 哦~~ 有哩間哩間同哩間囉。

E: 呀，哩間係我細佬開架。
我: (我屌你老味呀，使唔能使吹咁大? )
      真係架?
E:  咁你有冇同哩間有生意呀?
我: 哩間就冇喎。

E: 唔怕，我幫你搞掂佢，我家姐係哩間既大老闆。
我: (你係唔能係路呀，飲到癲9左呀)

E 即刻攞左部IPhone 出來，打開個Contact List。

成版都係名人。
我心想: 又做得幾認真喎。

找到那機構的老闆，E便按鍵。
電話接通，他打開個啦吧。

E: 家姐，你響邊呀? 我搵你幫幫手呀，哈哈，我而家好醉呀。
名媛家姐: 你去死啦，我現在響巴黎呀。
收左線。

(屌，把聲真係呀名媛家姐。
咩原來佢冇吹水，真係果個家族既人來架@o@ )

E: 哈哈，家姐同呀邊個邊個一齊呀 (邊個邊個係某名人)
    我下次再幫你講聲啦。
講完佢就咀左過來。

我忽然覺得自己好似個d出賣肉體既小花旦咁，
為左有工作機會就同老闆上床個種感覺。

(我知道如果靠佢既關係，
要做到哩個機構既生意真係會容易百倍，
好過自己上門硬銷，
d 經理唔睇僧面都要睇佛面啦。 )

但佢咀埋來個一刻真係好難受 ，
所以我借尿遁。

我體會到個d出賣肉體工作既名星仔其實好勁架，
真係冇心冇力先做得來。
心係指良心，
力係指定力。

我都係腳踏實地做人啦，鴨都係留返來食就算啦。

後記: 幾天後在一場合又遇見E，
他Whatspp我: 我地真係有緣啦，咁都撞得到，
今晚我出席完左個咩咩咩晚會一齊去飲野啦。

當然我最後都冇去啦。